தூத்துக்குடி சின்னக்கண்ணுபுரம் ஸ்ரீ லட்சிய விநாயகர் ஆலயத்தில் விநாயகர் சதுர்த்தி விழா சிறப்பு பூஜை மற்றும் மாபெரும் அன்னதானம்

 தூத்துக்குடி, செப்.16:

தூத்துக்குடி சின்னக்கண்ணுபுரம் அருள்மிகு ஸ்ரீ லட்சிய விநாயகர் ஆலயத்தில் விநாயகர் சதுர்த்தி திருவிழாவை முன்னிட்டு மதியம் 12 மணியளவில் சிறப்பு பூஜை நடைபெற்றது. இதனைத் தொடர்ந்து பக்தர்கள் மற்றும் பொதுமக்கள் கலந்து கொண்ட மாபெரும் அன்னதானம் நடைபெற்றது.

அன்னதானத்தை 14-வது வார்டு வட்டச் செயலாளர் காளிதுரை மற்றும் மீளவிட்டான் மெயின் ரோடு வியாபாரிகள் சங்கத் தலைவர் பாலசுப்ரமணியன் ஆகியோர் தொடங்கி வைத்தனர்.

நிகழ்ச்சியில் கோவிந்தராஜ், மாரிமுத்து, பழனிகுமார், முத்து, நடராஜன், கண்ணன், பாலகுமார், செல்வம், கோவில் பிள்ளை உள்ளிட்டோர் கலந்து கொண்டனர்.

மேலும் மகளிரணியைச் சேர்ந்த மாரிச்செல்வி, பாக்யலட்சுமி, பூ இசக்கி, பத்மா, கனிஷா, கனிகா ஆகியோரும், இளைஞரணியைச் சேர்ந்த சிவா, விஷால், சந்தோஷ், சஞ்சய், பாலசரவணன், பால காமராஜ், தினேஷ், பிரிதிவி, சஞ்ஜித் உள்ளிட்டோரும் கலந்து கொண்டு விழா ஏற்பாடுகளில் பங்கேற்றனர்.

விநாயகர் சதுர்த்தியை முன்னிட்டு நடைபெற்ற சிறப்பு பூஜை மற்றும் அன்னதானத்தில் ஏராளமான பக்தர்கள் கலந்து கொண்டு விநாயகரை தரிசனம் செய்து அன்னதானத்தை பெற்றுச் சென்றனர்.