செவ்வாய், 12 மே, 2026

Home / Police News / Tamil Nadu updates / thoothukudinews / நிஷா பவுண்டேஷன் மையம் மீது வீண் பழி போடாதே என தனது காதலியை கண்டித்து காதலன் மருதநாயகம் செய்தியாளர் சந்திப்பு பரபரப்பு

நிஷா பவுண்டேஷன் மையம் மீது வீண் பழி போடாதே என தனது காதலியை கண்டித்து காதலன் மருதநாயகம் செய்தியாளர் சந்திப்பு பரபரப்பு

by thoothukudileaks on 6:48 AM in Police News, Tamil Nadu updates, thoothukudinews

தூத்துக்குடி மே12

தூத்துக்குடி மாவட்டத்தில் சாதி மறுப்பு திருமணம் செய்த இளைஞர் ஒருவர் போதை மறுவாழ்வு மையத்தில் அனுமதிக்கப்பட்ட சம்பவம் பரபரப்பை ஏற்படுத்தியுள்ளது.

குடிப்பழக்கம் போக சிகிச்சை!!!

கணவரை உறவினர்கள் கடத்தி வைத்து துன்புறுத்தி வருவதாக மனைவி மாவட்ட ஆட்சியரிடம் புகார் அளித்த நிலையில், “தன்னார்வமாகவே சிகிச்சை பெற்று வருகிறேன்” என கணவர் மருதநாயகம் விளக்கம் அளித்துள்ளார்.

இது பற்றிய செய்தியாவது :-

🪉 தூத்துக்குடி அகாடமி -ல் காதல்!!!

நெல்லை மாவட்டம் பாளையங்கோட்டை அண்ணா நகர் பகுதியை சேர்ந்த சாருமதி மற்றும் தூத்துக்குடி மாவட்டம் வல்லநாடு அருகே அகரம் வடக்கு பகுதியை சேர்ந்த மருதநாயகம் ஆகியோர் தூத்துக்குடியில் உள்ள ஐஏஎஸ் அகாடமியில் படித்தபோது பழகியுள்ளனர்.

சாதி மறுப்பு திருமணம்!!!

பின்னர் இருவருக்கும் இடையே ஏற்பட்ட நட்பு காதலாக மாறியதாக கூறப்படுகிறது. கடந்த ஒன்றரை ஆண்டுகளாக காதலித்து வந்த இருவரும் வேறு சமூகத்தை சேர்ந்தவர்கள் என்பதால், கடந்த 24.03.2026 அன்று தென்காசி திருமலை கோயிலில் சாதி மறுப்பு திருமணம் செய்து கொண்டதாக கூறப்படுகிறது.

இதையடுத்து இருவரும் பாளையங்கோட்டையில் வசித்து வந்த நிலையில், மருதநாயகத்திற்கு அரசு விரைவு போக்குவரத்து கழகத்தில் டிரைவராக வேலை கிடைத்துள்ளது.

காதலன் திரும்பி வரவில்லை!!!

இந்த நிலையில் கடந்த 23ஆம் தேதி நடைபெற்ற சட்டமன்ற தேர்தலில் வாக்களிக்க தனது சொந்த ஊரான வல்லநாடு அகரத்திற்கு செல்வதாக கூறி மருதநாயகம் சென்றுள்ளார். ஆனால் அவர் மீண்டும் திரும்பி வரவில்லை என கூறப்படுகிறது.

இதுகுறித்து சாருமதி கூறுகையில்,...

கடந்த 24ஆம் தேதி மருதநாயகம் தொலைபேசியில் தொடர்பு கொண்டு, தனது தந்தை மற்றும் உறவினர்கள் தாக்கி துன்புறுத்துவதாகவும், தன்னை மீட்டுச் செல்லுமாறும் தெரிவித்ததாக கூறினார்.

இதையடுத்து திருநெல்வேலி மாவட்ட காவல் கண்காணிப்பாளர் அலுவலகம், பாளையங்கோட்டை துணை ஆணையர் அலுவலகம் மற்றும் முறப்பநாடு காவல் நிலையத்தில் புகார் அளித்தும் உரிய நடவடிக்கை எடுக்கப்படவில்லை என்றும், முதல் தகவல் அறிக்கை பதிவு செய்யாமல் தன்னை மிரட்டும் வகையில் காவல்துறையினர் செயல்பட்டதாகவும் சாருமதி குற்றம்சாட்டினார்.

காதலி தனது காதலனை ஆணவ கொலை செய்ய போறாங்க என குற்றச்சாட்டு!!!

நிஷா பவுண்டேஷன் மீது வீண் பழி !!!

பின்னர் நெல்லை சரக டிஐஜி அலுவலகத்தில் புகார் அளித்ததை தொடர்ந்து, மருதநாயகம் தூத்துக்குடியில் உள்ள நிஷா போதை மறுவாழ்வு மையத்தில் இருப்பதாக போலீசார் கூறி அங்கு அழைத்துச் சென்றதாகவும், ஆனால் கணவரிடம் பேச அனுமதி மறுக்கப்பட்டதாகவும் தெரிவித்தார்.

இதையடுத்து தூத்துக்குடி மாவட்ட ஆட்சியர் அலுவலகத்தில் நடைபெற்ற மக்கள் குறைதீர்க்கும் கூட்டத்தில் சாருமதி மனு அளித்தார்.

அதில், “எனது கணவருக்கு எந்தவிதமான மது அல்லது போதை பழக்கமும் இல்லை. அவரை உறவினர்கள் ஆணவக் கொலை செய்யும் நோக்கில் போதை மறுவாழ்வு இல்லத்தில் அடைத்து வைத்து துன்புறுத்தி வருகின்றனர். அவரை உடனடியாக மீட்டு தர வேண்டும்” என கோரிக்கை விடுத்துள்ளார்.

குடிபோதை மதுப்பழக்கம் விடுபட சிகிச்சை எடுத்து வரும் காதலன் மருதநாயகம்

நிஷா பவுண்டேஷன் மையம் மீது வீண் பழி போடாதே என காதலி கண்டித்து காதலன் மருதநாயகம் செய்தியாளர் சந்தித்து பரபரப்பு !!

இந்த விவகாரம் தொடர்பாக தூத்துக்குடி டி.ஆர். தெருவில் உள்ள நிஷா போதை மறுவாழ்வு மையத்தில் சிகிச்சை பெற்று வரும் மருதநாயகம் செய்தியாளர்களை சந்தித்து விளக்கம் அளித்தார்.

அப்போது காதலன் மருதநாயகம் கூறுகையில்,

“நான் அரசு போக்குவரத்து கழகத்தில் டிரைவராக பணியாற்றி வருகிறேன். சாருமதியை காதலித்து வந்தேன். எனக்கு மதுப்பழக்கம் இருந்தது. தேர்தலுக்காக வீட்டிற்கு சென்றபோது, அந்த பழக்கத்திலிருந்து மீள என் குடும்பத்தினர் என்னை நிஷா போதை மறுவாழ்வு மையத்தில் சிகிச்சைக்காக சேர்த்துள்ளனர். இங்கு நான் நலமாக சிகிச்சை பெற்று வருகிறேன்.

யாரும் என்னை அடித்து துன்புறுத்தவில்லை. இங்கு சுமார் 85 பேர் சிகிச்சை பெற்று வருகின்றனர். சிகிச்சை முடிந்த பிறகு, என் எதிர்காலம் குறித்து முடிவு செய்வேன்” என்றார்.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.