திங்கள், 6 அக்டோபர், 2025

Home / Unlabelled / தூத்துக்குடி அண்ணா பேருந்து நிலைய ஆண்கள் பாத்ரூமில் லைட் வசதி இன்றி பயணிகள் அவதி!

தூத்துக்குடி அண்ணா பேருந்து நிலைய ஆண்கள் பாத்ரூமில் லைட் வசதி இன்றி பயணிகள் அவதி!

தூத்துக்குடி லீக்ஸ் செய்தி

அருணன் செய்தியாளர்:

தூத்துக்குடி ஸ்மார்ட் சிட்டி அண்ணா பேருந்து நிலைய ஆண்கள் பாத்ரூமில் லைட் வசதி இன்றி பயணிகள் அவதி!

தூத்துக்குடி ஸ்மார்ட் சிட்டி திட்டத்தின் கீழ் அமைக்கப்பட்ட அண்ணா பேருந்து நிலையத்தில் உள்ள ஆண்கள் பாத்ரூம் தற்போது ஒளி வசதி இன்றி இருளடைந்த நிலையில் இருப்பது பயணிகளை அவதிக்கு உள்ளாக்கியுள்ளது.

திருநெல்வேலி, திருச்செந்தூர் உள்ளிட்ட பகுதிகளிலிருந்து வரும் பயணிகள் பெருமளவில் பயன்படுத்தும் இந்த பாத்ரூம், தூத்துக்குடி மாநகராட்சி சார்பில் கட்டணமின்றி இலவசமாக செயல்பட்டு வருகிறது.

ஆனால், கடந்த சில நாட்களாக பாத்ரூம் உள்ளே மின்விளக்கு வசதி இல்லாததால் பகல் நேரத்திலும் இருள் சூழ்ந்தபடி காணப்படுகிறது. இதனால் இளைஞர்கள், முதியவர்கள் உள்ளிட்டோர் தட்டுத் தடுமாறி வழுக்கி விழும் அபாயத்தில் உள்ளனர்.

இதுகுறித்து பொதுமக்கள், “தூத்துக்குடி மாநகராட்சி ஆணையர் பிரியங்கா அதிரடி நடவடிக்கைகளுக்குப் பெயர் பெற்றவர்.

எனவே உடனடியாக பாத்ரூமில் லைட் வசதி ஏற்படுத்த நடவடிக்கை எடுக்க வேண்டும்” என எதிர்பார்க்கின்றனர்.