உள்துறை அமைச்சர் அமித்ஷாவின் பயணத்தை ஊழல் கொம்பன்களும், அரசியல் சகுனிகளும் தடுக்க முடியாது என பாஜக மாநில செய்தி தொடர்பாளர் ஏ.என்.எஸ். பிரசாத் தெரிவித்துள்ளார்.

---

தூத்துக்குடி லீக்ஸ்
திருநெல்வேலி, ஆகஸ்ட் 24

அமித்ஷா பயணத்தை தடுக்க முடியாது – பாஜக மாநில செய்தி தொடர்பாளர் ஏ.என்.எஸ். பிரசாத் கண்டனம்

திருநெல்வேலியில் நடைபெற்ற பாஜக முதல் பூத் கமிட்டி மாநாட்டில் பங்கேற்ற உள்துறை அமைச்சர் அமித்ஷாவின் பயணத்தை ஊழல் கொம்பன்களும், அரசியல் சகுனிகளும் தடுக்க முடியாது என பாஜக மாநில செய்தி தொடர்பாளர் ஏ.என்.எஸ். பிரசாத் தெரிவித்துள்ளார்.

திருநெல்வேலியில் நடைபெற்ற இந்த மாநாட்டில் மாவட்டம் முழுவதிலிருந்தும் ஆயிரக்கணக்கான பாஜக கட்சியினரும், பொதுமக்களும் உற்சாகமாக பங்கேற்றனர். கூட்டம் தொடங்கியவுடன் “பாரத மாதா கி ஜெய்”, “என எழுந்த கோஷங்கள் மண்டபத்தை முழுவதும் அதிர வைத்தன.

---

அமித்ஷா பேச்சு  

 உலகிலேயே அதிக ஊழல் நிறைந்த கட்சி திமுக தான். ஊழலை  வேரோடு பிடுங்குவோம்

மாநாட்டில் பேசுகையில் உள்துறை அமைச்சர் அமித்ஷா, “உலகிலேயே அதிக ஊழல் நிறைந்த கட்சி திமுக தான். மக்கள் எதிர்ப்பு உச்சத்தை எட்டியுள்ள இந்த ஆட்சியை வேரோடு பிடுங்கி எறிவோம்.

 பிரதமர் நரேந்திர மோடி தமிழக வளர்ச்சிக்காக ஆயிரக்கணக்கான கோடி ரூபாய் மதிப்பிலான திட்டங்களை அளித்தும், திமுக அரசு அதை மக்களிடம் சென்றடைய விடவில்லை” எனக் கூறினார்.

அவரது உரைக்குப் பெரும் கைதட்டல்கள் எழுந்தன. தமிழகத்தில் தாய்மார்கள் மற்றும் இளைஞர்கள் மத்தியில்  வரவேற்பு எழுந்து வருகின்றனர்.

---

பாஜக மாநில செய்தி தொடர்பாளர் விளக்கம்

இந்த உரையின் பின்னணியில் செய்தியாளர்களிடம் பேசிய பாஜக மாநில செய்தி தொடர்பாளர் ஏ.என்.எஸ். பிரசாத், 

“அமித்ஷா ஊழல் ஆட்சியை ஒழிப்போம் எனக் கூறியவுடன், திமுக தலைவர்களும் கூட்டணிக் கட்சிகளும் பரபரப்பாக எதிர்வினை தெரிவிக்கத் தொடங்கினர். இது அவர்களின் அச்சத்தை வெளிப்படுத்துகிறது” என்றார்.

முன்னாள் மத்திய அமைச்சர் ஆ.ராசாவின் சமீபத்திய பேச்சை கண்டித்த அவர், “திருக்குறளை வைத்து வாக்கு திருட முடியாது என்று கூறுவது பிரதமரை அவமதிப்பதோடு மட்டுமல்லாமல் தமிழர் பாரம்பரியத்தையே கெடுக்கும் முயற்சி. இதற்கு முதல்வர் ஸ்டாலின் நடவடிக்கை எடுக்க வேண்டும்” எனக் கடுமையாக சாடினார்.

---

ஒட்டு திருடர்கள் யார்?

“அமித்ஷா ஆயிரம் முறை வந்தாலும் பாஜக காலூன்ற முடியாது” என காங்கிரஸ் தலைவர் பேசியதையும் அவர் சாடினார்.

 “மகாபாரதத்தில் கௌரவர்கள் அழிவை சந்திக்க வைத்த தீய எண்ணம் போல, இன்று திமுக கூட்டணியினர் பிரதமரையும் உள்துறை அமைச்சரையும் ‘ஓட்டு திருடர்கள்’ என்று அவதூறு பேசுகிறார்கள். 

இதை ரசித்து ஸ்டாலின் அமைதியாக இருந்தால் அதே நிலை திமுக கூட்டணிக்கும் நேரிடும்” என எச்சரித்தார்.

அதேபோல், “திமுகவிற்கு போட்டியே கிடையாது” என அமைச்சர் நேரு கூறியதையும் அவர் பரிகசித்தார்.

---

ஊழல் வழக்குகள் – ஸ்டாலின் பதிலளிக்க வேண்டும்

“எட்டு மாதங்கள் சிறையில் இருந்த செந்தில் பாலாஜி, ஊழல் வழக்கில் தண்டிக்கப்பட்ட முன்னாள் அமைச்சர் பொன்முடி போன்றவர்கள் இனி தமிழக அரசியலில் இடம்பிடிக்க முடியாது. 130 சட்ட திருத்த மசோதாவை திமுக அரசு கருப்பு மசோதா என விமர்சிக்கிறது. 

ஆனால் உண்மையில் அது ஊழல் அரசியல்வாதிகளை தடுக்கவே கொண்டு வரப்பட்டது. 

எனவே அமித்ஷாவின் கேள்விக்கு முதல்வர் ஸ்டாலின் நேரடியாக பதில் சொல்ல வேண்டும்” என அவர் வலியுறுத்தினார்.

---

2026 தேர்தல் –

தமிழகத்தில் தேசிய ஜனநாயக கூட்டணி முன்னாள் முதல்வர் எடப்பாடி பழனிசாமி 

 தலைமையில் வலுவாக உள்ளது. 

"திமுக கூட்டணி கட்சிகளும், மிஷனரி நடிகர்களும், தங்களது வருமானத்திற்காவே அரசியல் பிழைப்பு நடத்தும் செபாஸ்டின் சீமான் போன்ற பிரிவினைவாதிகளும் தமிழகத்தில் சலசலப்பை மட்டுமே உருவாக்கலாம் ஒழிய மக்கள் மனதில் இடம் பிடித்து ஜெயிக்க முடியாது."

பாரத பிரதமர் நரேந்திர மோடி வழிகாட்டுதலிலும், அமித்ஷா அரசியல் நெறியிலும், 2026 சட்டமன்றத் தேர்தலில் திமுக ஆட்சியை அகற்றி, தேசிய ஜனநாயக கூட்டணி ஆட்சி மலரும்” என பிரசாத் உறுதியளித்தார்.

---

ஏ.என்.எஸ். பிரசாத்
தமிழக பாஜக மாநில செய்தி தொடர்பாளர்

---

👉