முத்துநகர் கடற்கரையில் மாற்றுத்திறனாளிகளுக்கான பாதைசீரமைக்குமா மாநகராட்சி? தென் மண்டல மாற்றுத்திறனாளி சங்க மாவட்ட தலைவர் பிரேசில் மற்றும் நகரத் தலைவர் சித்ரா வேதனை !!!

தூத்துக்குடி லீக்ஸ் நாளிதழ் செய்தி

முத்துநகர் கடற்கரையில் மாற்றுத்திறனாளிகளுக்கான பாதை அசௌகரியத்தில் – சீரமைக்குமா தூத்துக்குடி மாநகராட்சி?

தூத்துக்குடியில் முக்கியமான பொழுதுபோக்கு இடமாக  "முத்து நகர் கடற்கரை"  மக்களிடையே பிரபலமடைந்துள்ளது. வெள்ளி, சனி, ஞாயிறு மற்றும் விடுமுறை நாட்களில் ஆயிரக்கணக்கான மக்கள் தங்கள் குடும்பத்துடன் இங்கு வந்து கடற்கரை காற்றில் மகிழ்ச்சியாக நேரம் கழிக்கின்றனர்.

மாற்றுத் திறனாளிகளின் வசதிக்காக, மாநகராட்சி கடந்த காலங்களில் ஒரு சிறப்பான முயற்சியாக இந்த கடற்கரையில் அவர்கள் பயன்படுத்தக்கூடிய வகையில் தனித்தனி நடைபாதைகளை அமைத்தது.

 ஆனால் தற்போது அந்த பாதைகள் பராமரிப்பு இன்றி கற்கள், குப்பைகள் நிறைந்த நிலையில் காணப்படுகின்றன. 

வீடியோ பார்க்க...

இது மாற்றுத் திறனாளிகள் பயணிக்க முடியாத அளவுக்கு சிக்கலாக உள்ளது என தென் மண்டல மாற்றுத்திறனாளி சங்க மாவட்ட தலைவர் பிரேசில் மற்றும் நகரத் தலைவர் சித்ரா வேதனை தெரிவித்துள்ளனர்.

"பொதுமக்கள் அனைவருக்கும் சம உரிமை வழங்கப்படும் என்ற எண்ணத்தோடு அமைக்கப்பட்ட பாதை இன்று பயன்படுத்த முடியாத நிலைக்குத் தள்ளப்பட்டுள்ளது.

 இதனை உடனே சீரமைக்க மாநகராட்சி நடவடிக்கை எடுக்க வேண்டும்," என அவர்கள் வலியுறுத்தினர்.

மாநகராட்சி நிர்வாகம் இதற்கான நடவடிக்கையை எப்போது மேற்கொள்ளும்? மாற்றுத் திறனாளிகளின் கோரிக்கை நிறைவேறும் நாள் எப்போது என்பதே தற்போதைய கேள்வியாக உள்ளது.