தூத்துக்குடி, மே 23:
பனைத் தொழிலாளர்களின் பாதுகாப்பு, நலன் மற்றும் உரிமைகள் குறித்து கவனம் செலுத்தும் நோக்கில், ஆலோசனைக் கூட்டம் தூத்துக்குடியில் நடைபெற உள்ளது.
இந்த ஆலோசனைக் கூட்டம் வருகின்ற 26.05.2025 (திங்கட்கிழமை) மாலை 4.00 மணிக்கு, VVD மெயின் ரோட்டிலுள்ள SDR ஹோட்டலில் நடைபெறும். தமிழ்நாடு பனை மர தொழிலாளர்கள் நல வாரியத் தலைவர் எர்ணாவூர் நாராயணன் அவர்கள் இதில் சிறப்புரையாற்ற உள்ளார்.
பனைத் தொழிலாளர்களின் வேலைபளு, பாதுகாப்பு உபகரணங்களின் தேவை, சம்பள விவகாரங்கள், மற்றும் அரசின் நலத்திட்டங்கள் குறித்தும், எதிர்காலத்தில் மேற்கொள்ளவேண்டிய நடவடிக்கைகள் குறித்தும் இந்த கூட்டத்தில் விரிவாக விவாதிக்கப்படவுள்ளது.
இதில் தூத்துக்குடி மாவட்டத்தைச் சேர்ந்த தொழிலாளர்கள், தொழிற்சங்க பிரதிநிதிகள் மற்றும் சமூக செயல்பாட்டாளர்கள் பங்கேற்கவுள்ளனர். அனைத்து பங்கேற்பாளர்களுக்கும் திறந்த அழைப்பு விடுக்கப்பட்டுள்ளது.
இந்த நிகழ்வு பனைத் தொழிலாளர்களின் உரிமைகளை வலுப்படுத்தும் முக்கியமான முயற்சியாக அமைவதாகக் கருதப்படுகிறது.
கருத்துகள் இல்லை:
கருத்துரையிடுக