தூத்துக்குடி லீக்ஸ்
திகதி: 11 மார்ச் 2025
முதல்வர் ஸ்டாலின் பிறந்தநாளையொட்டி கைப்பந்து போட்டி – வெற்றி அணிகளுக்கு பரிசுகள் வழங்கப்பட்டது
தூத்துக்குடி: தமிழக முதல்வர் மு.க. ஸ்டாலின் அவர்களின் 72வது பிறந்தநாளை முன்னிட்டு, தூத்துக்குடி வடக்கு மாவட்ட திமுக மற்றும் மாவட்ட மாநகர விளையாட்டு மேம்பாட்டு அணி இணைந்து மாவட்ட அளவிலான கைப்பந்து போட்டியை ஏற்பாடு செய்திருந்தனர்.
தொமல்நகர் கைப்பந்து மைதானத்தில் கடந்த மூன்று நாட்களாக நடைபெற்ற இந்த போட்டியில், ஆண்கள் மற்றும் பெண்கள் பிரிவில் பல்வேறு அணிகள் கலந்து கொண்டு விளையாடின. வெற்றி பெற்ற அணிகளுக்கு பரிசுகள் வழங்கும் விழா நேற்று சிறப்பாக நடைபெற்றது.
இந்த நிகழ்ச்சியில் தமிழக சமூகவளர் மற்றும் மகளிர் உரிமைத்துறை அமைச்சர் கீதாஜீவன் தலைமை வகித்து, வெற்றி பெற்ற அணிகளுக்கு கோப்பைகள் மற்றும் பரிசுத்தொகைகள் வழங்கினார்.
பரிசு பெற்ற அணிகள்
ஆண்கள் பிரிவு
🥇 1ம் பரிசு – ₹30,000, கோப்பை, தங்க மெடல் – அலெக்ஸ் மெமோரியல் அணி
🥈 2ம் பரிசு – ₹25,000, கோப்பை, வெள்ளி மெடல் – புதியமுத்தூர் அணி
🥉 3ம் பரிசு – ₹20,000, கோப்பை – CMN அணி
🏅 4ம் பரிசு – ₹15,000 – CVC அணி
பெண்கள் பிரிவு
🥇 1ம் பரிசு – ₹20,000, கோப்பை, மெடல் – தருவைகுளம் அணி
🥈 2ம் பரிசு – ₹15,000, கோப்பை – SD மெமோரியல் அணி
🥉 3ம் பரிசு – ₹12,000 – கோவில்பட்டி அணி
🏅 4ம் பரிசு – ₹10,000 – SPAD அணி
நிகழ்வில் பங்கேற்ற முக்கிய பணியாளர்கள்
விழாவில் அனல்மின் நிலைய தலைமை பொறியாளர் ஸ்ரீதர், செயற்பொறியாளர்கள் விஜிலா, ராஜன், மாநில பொறியாளர் அணி துணைச் செயலாளர் அன்பழகன், மாவட்ட விளையாட்டு மேம்பாட்டு அணி நிர்வாகிகள், நகராட்சி மன்ற உறுப்பினர்கள் மற்றும் விளையாட்டு பிரமுகர்கள் உள்ளிட்ட பலர் கலந்து கொண்டனர்.
விழா முடிவில் ஆரோக்கியராபின் அசோகன் நன்றியுரை வழங்கினார்.
Photo news by sunmugasuthram Reporter
கருத்துகள் இல்லை:
கருத்துரையிடுக