# பூஜை செய்து பணத்தை இரட்டிப்பாக்குவதாகக் கூறி ரூ.2.29 கோடி மோசடி: தந்தை-மகன் கைது
TamilNadu updates11-1-2025
தூத்துக்குடி லீக்ஸ், ஜனவரி 11:
விசேஷ பூஜை செய்து பணத்தை இரட்டிப்பாக்கித் தருவதாகக் கூறி பல்வேறு நபர்களிடம் சுமார் ரூ.2 கோடியே 29 லட்சம் மோசடி செய்த வழக்கில் தந்தை-மகன் இருவரை மாவட்ட குற்றப்பிரிவு காவல்துறையினர் கைது செய்துள்ளனர்.
பாலசுப்பிரமணியன் (தந்தை) 
மகன் அய்யாதுரை
## வழக்கின் விவரம்
ஏரல் மெயின் பஜாரில் சாமி அலங்கார பொருட்கள் கடை நடத்தி வரும் லிங்கராஜ் (42) என்பவரிடம், கடந்த 2018-ஆம் ஆண்டு எட்டயபுரம் புங்கவர்நத்தம் பகுதியைச் சேர்ந்த பாலசுப்பிரமணியன் (63) தன்னை சாமியார் என அறிமுகப்படுத்திக்கொண்டார்.
விசேஷ பூஜை!!!
புங்கவர்நத்தத்தில் புதிய திருக்கோயில் அமைத்துள்ளதாகவும், அங்கு விசேஷ பூஜை செய்து பலருக்கு உதவி செய்துள்ளதாகவும் கூறினார்.
## மோசடி முறை
தனது மனைவி பாண்டியம்மாள் (57), மகன் அய்யாதுரை (27) ஆகியோரையும் அறிமுகப்படுத்திய பாலசுப்பிரமணியன், பூஜை செய்தால் தொழில் பெருகும் என லிங்கராஜிடம் கூறி:
தலைமறைவு!!!
- லிங்கராஜிடம் ரூ.38 லட்சம்
- லிங்கராஜின் நண்பர் ஆனந்தகுமாரிடம் ரூ.29 லட்சம்
- பிற நபர்களிடமிருந்து சுமார் ரூ.1.62 கோடி
என மொத்தம் ரூ.2.29 கோடி பெற்றுக்கொண்டு தலைமறைவானார்.
## போலீஸ் நடவடிக்கை
மாவட்ட காவல் கண்காணிப்பாளர் ஆல்பர்ட் ஜான் உத்தரவின் பேரில், மாவட்ட குற்றப்பிரிவு டி.எஸ்.பி ராஜு மேற்பார்வையில், ஆய்வாளர் லெட்சுமி பிரபா தலைமையிலான குழுவினர் விசாரணை மேற்கொண்டனர்.
விசாரணையில், முக்கிய குற்றவாளிகளான பாலசுப்பிரமணியன் மற்றும் அவரது மகன் அய்யாதுரை ஆகியோர் கைது செய்யப்பட்டு சிறையில் அடைக்கப்பட்டுள்ளனர்.
## தொடர் விசாரணை
இந்த வழக்கில் தொடர்புடைய மற்றவர்களைக் கண்டறியும் பணியில் மாவட்ட குற்றப்பிரிவு போலீசார் தீவிர விசாரணை மேற்கொண்டு வருகின்றனர்.
கருத்துகள் இல்லை:
கருத்துரையிடுக