திங்கள், 13 மார்ச், 2023

Home / . / அதிமுக / ஆர்ப்பாட்டம் / ADMK news / thoothukudinews / திமுக அரசை கண்டித்து தூத்துக்குடியில் ஆர்ப்பாட்டம். அதிமுக பொதுச்செயலாளர் எடப்பாடி பழனிசாமி மீது போடப்பட்ட பொய் வழக்கை திரும்பப் பெறாவிட்டால் விரைவில் தூத்துக்குடியில் மிகப்பெரிய போராட்டம் அதிமுக முன்னாள் அமைச்சர் சண்முகநாதன் அதிரடி

திமுக அரசை கண்டித்து தூத்துக்குடியில் ஆர்ப்பாட்டம். அதிமுக பொதுச்செயலாளர் எடப்பாடி பழனிசாமி மீது போடப்பட்ட பொய் வழக்கை திரும்பப் பெறாவிட்டால் விரைவில் தூத்துக்குடியில் மிகப்பெரிய போராட்டம் அதிமுக முன்னாள் அமைச்சர் சண்முகநாதன் அதிரடி

by thoothukudileaks on 5:11 AM in ., அதிமுக, ஆர்ப்பாட்டம், ADMK news, thoothukudinews

thoothukudileaks 13-3-2023

ஆர்ப்பாட்டம் செய்ய அனுமதி மறுப்பு

திமுக அரசை கண்டித்து தூத்துக்குடியில் தெற்கு அதிமுக மாவட்ட சார்பில் நடைபெற இருந்த ஆர்ப்பாட்டத்திற்கு காவல்துறை அனுமதி மறுப்பு முதலில் தூத்துக்குடி டுவிபுரம் அதிமுக மாவட்ட அலுவலம் முன்பாக இன்று 13-3-2023 நடைபெற இருந்ததால் ....

அதிமுக தொண்டர்கள் அப் பகுதியில் குவிந்தனர்.

ஆனால்? மாவட்ட காவல் துறை அங்கு ஆர்ப்பாட்டம் செய்ய மறுப்பு செய்து தூத்துக்குடி 12வது வாசல் மையவாடி எதிராக உள்ள மைதானத்தில் அதிமுகவினர் திமுக வை கண்டித்து ஆர்ப்பாட்டம் செய்ய அனுமதி வழங்கியது.

இதனால் அதிமுக மத்தியில் பரபரப்பு ஏற்பட்டது. பின்பு ஆர்ப்பார்ட்டம் மையவாடி பகுதியில் நடைபெற்றது.

இதுபற்றிய செய்தியாவது:-

அதிமுக இடைக்கால பொதுச் செயலாளர் சட்டமன்ற எதிர்க்கட்சித் தலைவர் முன்னாள் முதலமைச்சர் எடப்பாடி பழனிசாமி மீது மதுரையில் பொய் வழக்கு போட்ட திமுக அரசை கண்டித்து தூத்துக்குடி தெற்கு மாவட்ட அதிமுக அம்மா பேரவை சார்பில் 12 வாசல் மையவாடி முன்பு மாவட்ட அதிமுக செயலாளர் முன்னாள் அமைச்சர் எஸ்.பி. சண்முகநாதன் தலைமையில் ஆர்ப்பாட்டம் நடைபெற்றது.

ஆர்ப்பாட்டத்தில் முன்னாள் அமைச்சர் சண்முகநாதன் பேசியதாவது :-

தமிழகத்தில் நான்கரை ஆண்டு காலம் சிறந்த ஆட்சி செய்த முன்னாள் முதலமைச்சரும் இன்று தமிழக மக்களின் உரிமைக்காக போராடிக் கொண்டிருக்கின்ற சட்டமன்ற எதிர்க்கட்சித் தலைவருமான எடப்பாடி பழனிசாமி மீது மாற்றுக் கட்சியை சேர்ந்த ஒரு குண்டர் கொடுத்த பொய் புகாரை ஏற்று முன்னாள் முதலமைச்சர் என்றும் பாராமல் மதுரை விமான நிலைய போலீசார் வழக்கு பதிவு செய்துள்ளனர். இதை வன்மையாக கண்டிக்கிறேன்.

ஜனநாயகத்தில் ஆளும் அரசுக்கு எதிராக குரல் கொடுக்கின்ற எதிர்க்கட்சியான அதிமுகவின் குரல்வலையை நெரிக்கும் செயலாக இது உள்ளது.

இன்று (13-3-2023)இந்த ஆர்ப்பாட்டத்தின் மூலம் திமுக அரசின் முதல்வர் ஸ்டாலினுக்கு ஒன்றைக் கூறிக்கொள்கிறேன் அதிமுக பொதுச்செயலாளர் எடப்பாடி பழனிசாமி மீது போடப்பட்ட பொய் வழக்கை திரும்பப் பெறாவிட்டால் விரைவில் தூத்துக்குடியில் மிகப்பெரிய போராட்டம்

அதிமுக தொண்டர்கள் தமிழகத்தில் முதலமைச்சர் ஸ்டாலின் கலந்து கொள்ளும் நிகழ்வுகளில் கருப்பு கொடி ஏந்தி போராட்டம் செய்வோம் என்றும் கூறினார்.

அதிமுக தொண்டர்கள் நிர்வாகிகள் கலந்து கொண்ட ஆர்ப்பாட்டம் சிறிது நேரம் மட்டுமே பரபரப்பாக நடைபெற்றது.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.