சவேரியார்புரத்தில்ஊராட்சி மன்ற நிதி 10 லட்சம் மதிப்பில் புதிய மழைநீர் வடிகால் கால்வாய்

 thoothukudileaks 21-03-2023

photo news by shanmuga sunthram 

தூத்துக்குடி மாப்பிள்ளையூரணி சவேரியார்புரத்தில் கால்வாய் அமைக்கும் பணி ஊராட்சி மன்ற தலைவர் சரவணக்குமார் தொடங்கி வைத்தார்.

இது பற்றிய செய்தியாவது:-

     தூத்துக்குடி ஒட்டப்பிடாரம் சட்டமன்ற தொகுதிக்கு உட்பட்ட மாப்பிள்ளையூரணி ஊராட்சி டி.சவேரியார்புரம் ஊர்மக்கள் மழைகாலங்களில் மழைநீர் தேங்குவதால் கொசுக்கள் உற்பத்தியாகி பல்வேறு தொற்றுநோய்கள் பரவுகிறது

 பொதுமக்கள் நடந்து செல்வதற்கும் பல்வேறு இடையூறுகள் ஏற்படுகிறது.

 இதற்கு தீர்வு காணும் வகையில் புதிய மழைநீர் வடிகால் அமைத்து தரவேண்டும் என்று மாப்பிள்ளையூரணி ஊராட்சி மன்ற தலைவர் சரவணக்குமாரிடம் பொதுமக்கள் கோரிக்கை வைத்திருந்தனர். 

இதனையடுத்து  ஊராட்சி மன்ற நிதி 10 லட்சம் மதிப்பில் புதிய மழைநீர் வடிகால் கால்வாய் அமைக்கும் பணி தூத்துக்குடி கிழக்கு ஒன்றிய திமுக செயலாளரும் மாப்பிள்ளையூரணி ஊராட்சி மன்ற தலைவருமான சரவணக்குமார் தலைமையில் பூமி பூஜையுடன் தொடங்கி பூர்வாக பணிகள் நடைபெற்றது.

   நிகழ்ச்சியில் ஊராட்சி மன்ற உறுப்பினர் பாரதிராஜா, முன்னாள் ஊராட்சி மன்ற உறுப்பினர் ஆனந்தகுமார், ராயப்பன், மகளிர் அணி ரூபி, வளர்மதி, சமத்துவமக்கள் கட்சி மாவட்ட செயலாளர் வில்சன், மற்றும் கௌதம், உள்பட டி.சவேரியார்புரம் ஊர் பொதுமக்கள் கலந்து கொண்டனர்.