குளத்தூர் பகுதியில் சட்டவிரோதமாக ரேஷன் அரிசியை கடத்திய 2 பேர் கைது - கடத்துவதற்கு பயன்படுத்தப்பட்ட கார் மற்றும் 500 கிலோ எடையுள்ள ரேஷன் அரிசி பறிமுதல் செய்யப்பட்டது.
தூத்துக்குடி லீக்ஸ் : 06.05.202
இது பற்றிய செய்தியாவது:-
தூத்துக்குடி மாவட்ட காவல் கண்காணிப்பாளர் டாக்டர் எல். பாலாஜி சரவணன் உத்தரவுப்படி விளாத்திகுளம் காவல் துணை கண்காணிப்பாளர் பிரகாஷ் மேற்பார்வையில் குளத்தூர் காவல் நிலைய உதவி ஆய்வாளர் முத்துமாரி மற்றும் போலீசார் இன்று (06.05.2022) குளத்தூர் காவல் நிலைய எல்லைக்குட்பட்ட கிழக்கு கடற்கரைச் சாலை பகுதியில் ரோந்து பணியில் ஈடுபட்டார்கள்.
அப்போது அங்கு சந்தேகத்துக்கிடமான முறையில் வந்த காரை நிறுத்தி சோதனை செய்ததில் அதில் 500 கிலோ எடையுள்ள ரேஷன் அரிசி மூடைகள் இருப்பதும், அவற்றை சட்டவிரோதமாக கடத்தியதும் தெரியவந்தது.
உடனடியாக போலீசார் மேற்படி வாகனத்தில் வந்த கீழே வேலாயுதபுரம் பகுதியைச் சேர்ந்தவர்களான பிளாரத்திஷ் மகன் செல்வராஜ் (40) மற்றும் சுப்பையா மகன் பரமசிவம் (35) ஆகிய இருவரையும் கைது செய்து, கடத்தலுக்கு பயன்படுத்தப்பட்ட TN 75 U 2210 (TATA GOLD) என்ற எண் கொண்ட கார் மற்றும் 500 கிலோ ரேஷன் அரிசியையும் பறிமுதல் செய்து விசாரணை மேற்கொண்டு வருகின்றனர்.
கருத்துகள் இல்லை:
கருத்துரையிடுக