தூத்துக்குடி லீக்ஸ் - 06 - 12 - 2020
சட்டமேதை டாக்டர் அம்பேத்கரின் 64-வது நினைவு தினம் இன்று அனுசரிக்கப்படுகிறது. இதையொட்டி அரசியல் கட்சிகள் மற்றும் பல்வேறு அமைப்புகளின் தலைவர்கள் உள்ளிட்ட பல்வேறு தரப்பினரும் அவருக்கு மரியாதை செலுத்திவருகின்றனர்.
தூத்துக்குடியில் அதிமுக தெற்கு மாவட்ட அ.திமுக. மாவட்ட செயலாளரும் முன்னாள் அமைச்சருமான எஸ்.பி.சண்முக நாதன் எம்.எல்.ஏ.தலைமையில் இன்று காலை 10 மணி அளவில் அதிமுகவினர் தூத்துக்குடி தெற்கு காவல்நிலையம் முன்புறம் அமைந்திருக்கும் டாக்டர் அம்பேத்காரின் திருவுருவ சிலைக்கு மாலை அணிவித்து அஞ்சலி செலுத்தினர்.
மும்பை சைத்யபூமியில் உள்ள டாக்டர் அம்பேத்கரின் நினைவிடத்தில் இன்று காலை முதலே ஏராளமானோர் அஞ்சலி செலுத்தி வருகின்றனர்.
டாக்டர் அம்பேத்கர் குறித்த நினைவுகளை அவரது புகைப்படங்களுடன் சமூக வலைத்தளங்களில் பலரும் பகிர்ந்து மரியாதை செலுத்தியவண்ணம் உள்ளனர்.
கருத்துகள் இல்லை:
கருத்துரையிடுக