தடை செய்யப்பட்ட புகையிலை... சட்டவிரோதமாக மதுபானம் விற்பனை மற்றும் பணம் வைத்துசூதாட்டம் நடத்தியவர்கள் தூத்துக்குடி மாவட்டத்தில் அதிரடி கைது!!!

  தூத்துக்குடி வடபாகம் காவல் நிலையம்.தடை செய்யப்பட்ட புகையிலை பொருட்களை விற்பனைக்காக வைத்திருந்தவர் கைது செய்யப்பட்டார். 

தூத்துக்குடி வட பாகம் காவல் நிலைய உதவி ஆய்வாளர் திரு. ரவிக்குமார் தலைமையிலான போலீசார் 28.10.2020 அன்று ரோந்து பணியில் ஈடுபட்ட பொழுது, பூபல்ராயர்புரம் மீன் மார்க்கெட் பகுதியில், தூத்துக்குடி திரவியபுரம் பகுதியைச் சேர்ந்த காந்திராஜா மகன் கருப்பசாமி (41) என்பவரது கடையில் தடை செய்யப்பட்ட புகையிலை பொருட்களை  விற்பனைக்காக  வைத்திருப்பது தெரியவந்தது.

இதனையடுத்து தூத்துக்குடி வடபாகம் காவல் நிலைய உதவி ஆய்வாளர் ரவிக்குமார் வழக்குப்பதிவு செய்து  கருப்பசாமியை கைது செய்தார். மேலும் அவரிடமிருந்து தடை செய்யப்பட்ட 14 பாக்கெட்கள் புகையிலை பொருட்கள் பறிமுதல் செய்யப்பட்டது.

 விளாத்திகுளம் காவல் நிலையம்பணம் வைத்து சூதாட்டத்தில் ஈடுபட்ட 9 பேர் கைது.

விளாத்திகுளம் காவல்நிலைய உதவி ஆய்வாளர் திரு. கங்கைநாத பாண்டியன் தலைமையிலான போலீசார் 28.10.2020 அன்று ரோந்து பணியில் ஈடுபட்ட போது குறளையம்பட்டியில்  உள்ள முனியசாமி கோவில் பின்புறம் அதே பகுதியைச் சேர்ந்த அன்னாவிமுத்து மகன் குருசாமி(53), V.வேடப்பட்டியை சேர்ந்த துரைப்பாண்டி மகன் ஜவகர்(51), குருவார்பட்டியைச் சேர்ந்த சுப்பையா மகன் சங்கரநாராயணன்(60), விளாத்திகுளம்,  காமராஜர் நகரைச் சேர்ந்த ரத்தினம் மகன் தலைச்சாமி(52), குறளையம்பட்டியைச் சேர்ந்த சன்னாசி மகன் முனியசாமி(40), விருசம்பட்டியைச் சேர்ந்த முனியசாமி மகன் ஆறுமுகசாமி(54), விளாத்திகுளம் காமராஜர் நகரைச் சேர்ந்த செந்தூரான் மகன் ஐயம்பாண்டி(50), விளாத்திகுளம், லட்சுமிநாராயணபுரத்தைச் சேர்ந்த கந்தசாமி மகன் மாரிமுத்து(49) மற்றும் விளாத்திகுளம் மேல் மாந்தையை சேர்ந்த பெருமாள் மகன் கிருஷ்ணன்(65) ஆகிய 9 பேர் சட்ட விரோதமாக பணம் வைத்து சூதாடிய ஈடுபட்டது தெரியவந்தது.

இதுகுறித்து விளாத்திகுளம் காவல் நிலைய உதவி ஆய்வாளர் கங்கைநாத பாண்டியன் வழக்குப்பதிவு செய்து 9 பேரையும் கைது செய்தார். மேலும் அவர்களிடமிருந்த சீட்டு கட்டுகளும் ரூபாய் 1150/- பணமும் பறிமுதல் செய்யப்பட்டது.

தூத்துக்குடி மதுவிலக்கு அமலாக்கப் பிரிவு காவல் நிலையம

சட்டவிரோதமாக மதுபாட்டில்கள் விற்பனையில் ஈடுபட்டவர் கைது

தூத்துக்குடி  மதுவிலக்கு அமலாக்கப் பிரிவு காவல் நிலைய   உதவி ஆய்வாளர் திரு. ராமகிருஷ்ணன் தலைமையிலான போலீசார் 28.10.2020 ரோந்து பணியில் ஈடுபட்ட போது, ஏரல் பேருந்து நிலையம் அருகே, ஏரல், கணேசபுரம் பகுதியை சேர்ந்த பால்பாண்டி மகன் மந்திரமூர்த்தி (37) என்பவர் சட்டவிரோதமாக மதுபாட்டில்கள் விற்பனையில் ஈடுபட்டது தெரியவந்தது.

 இதுகுறித்து தூத்துக்குடி மதுவிலக்கு அமலாக்கப் பிரிவு காவல் நிலைய  உதவி ஆய்வாளர் திரு.  ராமகிருஷ்ணன் வழக்குப்பதிவு செய்து மந்திர மூர்த்தியை கைது செய்தார். மேலும் அவரிடம் இருந்த 6 மதுபாட்டில்கள் பறிமுதல் செய்யப்பட்டது.