செவ்வாய், 23 ஜூன், 2020

Home / News / தந்தை மகனை அடித்து படுகொலை செய்த சாத்தான்குளம் காவல் நிலைய அதிகாரிகள்.!!! நீதிவிசாரணை நடத்த வேண்டும் என அனைத்திந்திய இளைஞர் பெருமன்றம் (AIYF) கோரிக்கை.!!!

தந்தை மகனை அடித்து படுகொலை செய்த சாத்தான்குளம் காவல் நிலைய அதிகாரிகள்.!!! நீதிவிசாரணை நடத்த வேண்டும் என அனைத்திந்திய இளைஞர் பெருமன்றம் (AIYF) கோரிக்கை.!!!

by thoothukudileaks on 1:06 AM in News

சாத்தான்குளத்தைச் சேர்ந்த பென்னிக்ஸ் அங்கு மொபைல் கடை நடத்தி வந்தார். கடந்த 20ந்தேதி ஊரடங்கு விதிகளை மீறி கடையை திறந்து வைத்தது தொடர்பாக போலீசார் பென்னிக்ஸ் மற்றும் அவரது தந்தை ஜெயராஜூம் காவல் நிலையத்துக்கு அழைத்து சென்று உள்ளனர். காவல் நிலையத்தில் பென்னிக்ஸ் முன் நிலையில் பென்னிக்ஸின் தந்தை ஜெயராஜை காவல்துறையினர் அடித்ததாக கூறப்படுகிறது.இதனை தட்டி கேட்ட பென்னிக்ஸ்க்கும் காவல் துறைக்கும் வாக்குவாதம் முற்றவே காவல் துறையினர் பென்னிக்ஸை பிடித்து பல மணி நேரம் கட்டி வைத்து அடித்ததாகவும் , அவரது ஆசன வாய் உள்ளே லத்தியால் குத்தி காயப்படுத்தியதாகவும் கூறப்படுகிறது.

பின்னர் அப்பா மகன் இருவர் மீதும் வழக்கு பதிவு செய்து, கைது செய்து இருவரையும் கோவில்பட்டி கிளை சிறையில் அடைத்தனர்.சிறையில் பென்னிக்ஸை சந்தித்த அவரது நண்பர்களிடம் போலீசார் தாக்கியதில் தனது ஆசன வாயில் இருந்து இரத்தம் வந்து கொண்டே உள்ளது என பென்னிக்ஸ் கூறியதாக சொல்லப்படுகிறது.
இந்த நிலையில் சிறையில் அவருக்கு நேற்று இரவு 7.30 மணியளவில் நெஞ்சுவலி ஏற்பட்டதாக கூறி, சிறைக் காவலர்கள் அவரை பின்னால் உள்ள அரசு மருத்துவமனையில் சிகிச்சைக்காக அனுமதித்தனர். அங்கு அவர் உயிரிழந்தார்.‌

இதற்கிடையே கோவில்பட்டி கிளைச்சிறையில் அடைக்கப்பட்ட பென்னிக்ஸ் தந்தை ஜெயராஜுக்கு காய்ச்சல் இருந்ததாக கூறி மருத்துவமனையில் அனுமதிக்கப்பட்டுள்ளார்.
மருத்துவமனையில் அனுமதிக்கப்பட்ட பென்னிக்சின் தந்தை ஜெயராஜூம் இன்று காலை மரணம் அடைந்தார்.

கடையடைப்பு தொடர்பாக முதலில் பென்னிக்சின் தந்தையை போலீசார் அழைத்துச் சென்று அடித்ததாகவும், காவல் நிலையம் சென்று அதுகுறித்து வாக்குவாதம் செய்ததால் பென்னிக்சை போலீசார் கடுமையாக தாக்கியதாகவும், அதன் பின்பே கோவில்பட்டி சிறைச்சாலைக்கு கொண்டு சென்றதாகவும் அவரது உறவினர்கள் கூறுகின்றனர். நேரம் தாண்டி கடை திறந்து இருந்தால் காவல்துறையினரால் அடித்து கொலை செய்து, குடும்பத்தையே அழிப்போம் என காவல் துறை புதிய வன்முறை படுகொலையை செய்துள்ளது.

இவ்வாறு தந்தை மகன் உள்ளிட்ட இருவரையும் சாத்தான்குளம் காவல் நிலையத்தில் வைத்து திட்டமிட்டு அடித்து துன்புறுத்திய நிலையில் தற்போது இருவரும் கொடுங்காயங்களுக்கு இடையில் இறந்து உள்ளனர். எனவே காவல் துறையினரால் படுகொலை செய்யப்பட்டவர்களின் இறப்புகளில் மர்மம் இருப்பது உறுதியாகி உள்ளது. எனவே

1. இரட்டை படுகொலைக்கு காரணமான காவல் உதவி ஆய்வாளர் பாலகிருஷ்னன் உள்ளிட்டவர்கள் மீது கொலை வழக்கு பதிவு செய்ய வேண்டும்
2 உடனடியாத நீதித்துறை நடுவர் விசாரனைக்கு உத்தரவிட வேண்டும்
3 நீதித்துரை நடுவர் முன்னிலையில் பிரேத பரிசோதனையினை மருத்துவர்கள் குழுவினர் மூலம் நடத்த வேண்டும் அதனை முழுமையாக வீடியோ பதிவு செய்ய வேண்டும்

பெ சந்தனசேகர்
வழக்கறிஞர்
AlYF
தூத்துக்குடி மாவட்டம்