வியாழன், 1 ஜனவரி, 2026

Home / திமுக / Tamil Nadu updates / thoothukudinews / தமிழகத்தில் சர்வதேச தரம் வாய்ந்த துப்பாக்கி சுடும் பயிற்சி மையம் - துணை முதலமைச்சர் உதயநிதி ஸ்டாலின் அடிக்கல் நாட்டினார்

தமிழகத்தில் சர்வதேச தரம் வாய்ந்த துப்பாக்கி சுடும் பயிற்சி மையம் - துணை முதலமைச்சர் உதயநிதி ஸ்டாலின் அடிக்கல் நாட்டினார்

by thoothukudileaks on 9:00 PM in திமுக, Tamil Nadu updates, thoothukudinews

தூத்துக்குடி லீக்ஸ் நாளிதழ் photo news by sunmugasuthram press club president

செங்கல்பட்டு, ஜனவரி 2:

விளையாட்டு வீரர்களை ஊக்குவிக்கும் வகையில், தமிழகத்தில் சர்வதேச தரம் வாய்ந்த துப்பாக்கி சுடும் பயிற்சி மையம் அமைக்கப்படுகிறது. இதற்கு மாநில துணை முதலமைச்சரும், இளைஞர் நலன் மற்றும் விளையாட்டு மேம்பாட்டுத்துறை அமைச்சருமான உதயநிதி ஸ்டாலின் காணொளி மூலம் அடிக்கல் நாட்டினார்.

செங்கல்பட்டு மாவட்டம் வண்டலூர் அருகிலுள்ள கீரப்பாக்கம் பகுதியில் ரூ.17 கோடி மதிப்பில் சர்வதேச அளவிலான டிராப் மற்றும் ஸ்கீட் இரட்டை குழல் துப்பாக்கி சூடும் பயிற்சி மையம் அமைக்கப்படுகிறது. இளைஞர் நலன் மற்றும் விளையாட்டு மேம்பாட்டுத் துறை மற்றும் தமிழ்நாடு விளையாட்டு மேம்பாட்டு ஆணையம் சார்பில் இந்த பயிற்சி மையம் அமைக்கப்படுகிறது.

மாநில தகவல் தொழில்நுட்ப அணி செயலாளரும், தொழில்துறை அமைச்சருமான டி.ஆர்.பி. ராஜா, துணை முதலமைச்சர் உதயநிதி ஸ்டாலினிடம் இந்த கோரிக்கையை முன்வைத்ததை ஏற்று, இந்த திட்டம் நடைமுறைப்படுத்தப்படுகிறது.

இதுவரை ஏழை, எளிய மற்றும் நடுத்தர குடும்பத்தினருக்கு எட்டாக்கனியாக இருந்த துப்பாக்கி சுடும் விளையாட்டு, இனி அனைவருக்கும் சமமான வாய்ப்பாக கிடைக்கும் என எதிர்பார்க்கப்படுகிறது. பணக்காரர், ஏழை என்ற பாகுபாடின்றி அனைத்து பிரிவினரும் இந்த பயிற்சி மையத்தில் பயிற்சி பெற முடியும்.

முதலமைச்சர் மு.க.ஸ்டாலின் 2021 மே 7ஆம் தேதி பதவியேற்ற முதல் நாளிலிருந்து மாநிலத்தின் வளர்ச்சிக்காக பல்வேறு திட்டங்களை அறிவித்து செயல்படுத்தி வருகிறார். அந்த வழியில், துணை முதலமைச்சர் உதயநிதி ஸ்டாலின் விளையாட்டுத்துறையை பொறுப்பேற்ற பின்னர், கபடி, ஹாக்கி, கூடைப்பந்து, கைப்பந்து உள்ளிட்ட பல்வேறு விளையாட்டுகளில் தமிழக வீரர்கள் சாதனைகள் படைத்து வருகின்றனர்.

உலக கோப்பை போட்டிகள் நடத்தும் அளவுக்கு வடிவமைக்கப்படும் இந்த பயிற்சி மையம், தமிழ்நாட்டின் வளர்ச்சியையும் பெருமையையும் உலகளவில் கொண்டு செல்லும் என்று எதிர்பார்க்கப்படுகிறது. தமிழகத்தை மட்டுமின்றி, இந்தியாவின் பல்வேறு மாநிலங்களைச் சேர்ந்த வீரர்களும் இந்த மையத்தில் பயிற்சி பெற வாய்ப்பு கிடைக்கும்.

இந்த புத்தாண்டு பரிசாக விளையாட்டு துறையை மேம்படுத்தும் இந்த முயற்சி, தமிழக இளைஞர்களுக்கு சர்வதேச அளவில் போட்டியிடும் வாய்ப்பை ஏற்படுத்தித் தரும் என்று நம்பப்படுகிறது.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.