சின்னகண்ணுபுரத்தில் மாநகராட்சி சார்பில் சிறப்பு மருத்துவ முகாம்

தூத்துக்குடி லீக்ஸ்

சின்னகண்ணுபுரத்தில் மாநகராட்சி சார்பில் சிறப்பு மருத்துவ முகாம்

தூத்துக்குடி: அக் 24
தமிழ்நாடு முதல்வர் மு.க.ஸ்டாலின் அவர்களின் உத்தரவின்படி சமூக நலன் மற்றும் மகளிர் உரிமைத்துறை அமைச்சர் பி. கீதா ஜீவன் மற்றும் தூத்துக்குடி மாநகராட்சி மேயர் ஜெகன் பெரியசாமி ஆகியோரின் ஆணையின்படி, 14வது வார்டு திமுக வட்டச் செயலாளர் பா. காளிதுரை ஏற்பாட்டில், தூத்துக்குடி மாநகராட்சி சார்பில் சிறப்பு மருத்துவ முகாம் சின்னகண்ணுபுரத்தில் நடைபெற்றது.

இம்முகாமில் பொதுமக்கள் மற்றும் வியாபாரிகள் பலர் கலந்து கொண்டு தங்களது உடல் நல பரிசோதனைகள் மேற்கொண்டு, மருத்துவ ஆலோசனைகளையும் பெற்றனர். மருத்துவர்கள் மற்றும் சுகாதார ஊழியர்கள் கலந்து கொண்டு பல்வேறு பரிசோதனைகள் செய்து பயனாளர்களுக்கு மருந்துகள் வழங்கினர்.

இந்நிகழ்ச்சி மக்கள் நலனை மையமாகக் கொண்டு சிறப்பாக நடைபெற்றது என்று உள்ளூர் மக்கள் தெரிவித்தனர்.

---