தூத்துக்குடியில் ‘நடப்போம் நலம்பெறுவோம்’ விழிப்புணர்வு நடைபயிற்சி – 8.6 கிமீ நடைபயணத்தில் மேயர் ஜெகன் பொியசாமி பங்கேற்பு

Tamil Nadu updates, photo news by sunmugasuthram press club president 

---

தூத்துக்குடியில் ‘நடப்போம் நலம்பெறுவோம்’ விழிப்புணர்வு நடைபயிற்சி – 8.6 கிமீ நடைபயணத்தில் மேயர் ஜெகன் பொியசாமி பங்கேற்பு

தூத்துக்குடி:மே 5
தமிழக அரசின் மருத்துவம் மற்றும் மக்கள் நல்வாழ்வு துறை சார்பில் ‘நடப்போம் நலம்பெறுவோம்’ என்ற தலைப்பில் விழிப்புணர்வு நடைபயிற்சி தூத்துக்குடி முத்துநகர் கடற்கரையில் வெகு சிறப்பாக நடைபெற்றது.

மேயர் ஜெகன் பொியசாமியின் தலைமையில் நடைபெற்ற இந்நிகழ்வில் மருத்துவத்துறை, சுகாதாரத் துறை மற்றும் மாநகராட்சியைச் சேர்ந்த பல்வேறு அலுவலர்கள், ஊழியர்கள், பொதுமக்கள் மற்றும் மாணவர்கள் கலந்து கொண்டு மொத்தம் 8.6 கிலோமீட்டர் தூரம் நடைபயணமாக ஈடுபட்டனர்.

நடப்பது மூலமாக உடல்நலத்தையும், மக்களுக்குள் ஆரோக்கிய விழிப்புணர்வையும் உருவாக்கும் நோக்குடன் இந்த நடைபயணம் முத்துநகர் கடற்கரையைத் தொடங்கி, முக்கிய சாலைகள் வழியாக மீண்டும் அதே இடத்தில் நிறைவடைந்தது.

மேயர் ஜெகன் பொியசாமி கூறுகையில், ....

“மாநகராட்சியில் உள்ள பூங்காக்கள் மற்றும் நடைபாதைகளின் மூலம் மக்கள் உடற்பயிற்சி மேற்கொள்ளும் சாத்தியம் அதிகரிக்க வேண்டும். சிறுவர்களும், முதியவர்களும் உடல்நலமாக இருக்க வழிவகை செய்யும் இத்தகைய திட்டங்களை மேலும் விரிவுபடுத்த திட்டமிடப்பட்டுள்ளது” என்றார்.

[புகைப்படம்: நடைபயிற்சியில் கலந்து கொண்ட பொதுமக்கள் மற்றும் நகர நிர்வாகத்தினர் – முத்துநகர் கடற்கரை

மேலும், “மக்களை தேடி மருத்துவம்” திட்டத்தின் கீழ் நகரின் பல பகுதிகளில் மருத்துவ முகாம்கள் நடத்தப்பட்டன. இதில் ரத்த பரிசோதனை உள்ளிட்ட சேவைகள் வழங்கப்பட்டன. பொதுமக்கள் விருப்பத்துடன் கலந்து கொண்டு பயன்பெற்றனர்.

இந்நிகழ்வில், மாவட்ட சுகாதார அலுவலர் டாக்டர் யாழினி, விளையாட்டு அலுவலர் அந்தோணி அதிஷ்டராஜ், சுகாதார குழுத் தலைவர் சுரேஷ்குமார், கவுன்சிலர்கள் இசக்கிராஜா, சந்திரபோஸ் மற்றும் பலர் கலந்து கொண்டனர்.