செவ்வாய், 23 ஜூன், 2020

Home / News / ஒரே குடும்பத்தில் தந்தை - மகன் இருவரின் மரணத்திற்கு நீதி கேட்டு சாத்தான்குளத்தில் காத்திருக்கும் அவரது உறவினர்கள்,நண்பர்கள், வியாபாரிகள், மற்றும் பொதுமக்களில் நானும் ஒருவன் ....இறந்தவர் களுக்கான நீதியை மக்களின் பிரதிநிதியாக பாதிக்கப்பட்டவர்களின் குடும்பத்தில் ஒருவனாக நின்று கேட்டேன். என்று மிகுந்த மனவருத்தத்தில்.... அ.தி.மு.க. S.P.சண்முகநாதன் எம்.எல்.ஏ.!!!!.

ஒரே குடும்பத்தில் தந்தை - மகன் இருவரின் மரணத்திற்கு நீதி கேட்டு சாத்தான்குளத்தில் காத்திருக்கும் அவரது உறவினர்கள்,நண்பர்கள், வியாபாரிகள், மற்றும் பொதுமக்களில் நானும் ஒருவன் ....இறந்தவர் களுக்கான நீதியை மக்களின் பிரதிநிதியாக பாதிக்கப்பட்டவர்களின் குடும்பத்தில் ஒருவனாக நின்று கேட்டேன். என்று மிகுந்த மனவருத்தத்தில்.... அ.தி.மு.க. S.P.சண்முகநாதன் எம்.எல்.ஏ.!!!!.

by thoothukudileaks on 12:20 PM in News

தூத்துக்குடி தெற்கு மாவட்ட அதிமுக செயலாளரும், முன்னாள் அமைச்சருமான
எஸ்.பி.சண்முகநாதன் எம்எல்ஏ அவர்களின் பதிவு.

தூத்துக்குடி மாவட்டம், எனது சட்டமன்ற தொகுதி சாத்தான்குளத்தைச் சேர்ந்த திரு.P.ஜெயராஜ், அவரது அன்பு மகன் J.பென்னிக்ஸ் ஆகிய இருவரும் சந்தேகத்திற்கிடமான முறையில் மரணமடைந்ததை கேட்டு மிகவும் மன வருத்தமுற்றேன்

.இந்த இருவரின் மரணத்திற்கு நீதி கேட்டு சாத்தான்குளத்தில் காத்திருக்கும் அவரது உறவினர்கள்,நண்பர்கள், வியாபாரிகள், மற்றும் பொதுமக்களில் நானும் ஒருவன்.

இன்று (23-06-2020) மதியம் 01.30 மணிக்கு சாத்தான்குளம் துணை காவல் கண்காணிப்பாளர் அலுவலகத்தில் நடைபெற்ற கூட்டத்தில் மாவட்ட ஆட்சியர், மற்றும் மாவட்ட காவல் கண்காணிப்பாளர் ஆகியோரோடு நானும் கலந்து கொண்டு, இறந்தவர் களுக்கான நீதியை மக்களின் பிரதிநிதியாக பாதிக்கப்பட்டவர்களின் குடும்பத்தில் ஒருவனாக நின்று கேட்டேன்.

மாவட்ட ஆட்சியர் அவர்களும் அரசிடம் பேசி முதற்கட்ட நடவடிக்கையாக சம்பந்தப்பட்ட இரு உதவி ஆய்வாளர்களையும் சஸ்பெண்ட் செய்தும், காவல் ஆய்வாளர் உட்பட ஏனைய காவல்நிலைய காவலர்களை பணியிட மாற்றம் செய்தும், நீதிவிசாரணையை நீதிபதி தலைமையில் நடத்தவும் உத்தரவு பிறப்பித்தார்.
இந்த நிகழ்வுகளின்போது சாத்தான்குளம் சுற்றுவட்டார வியாபார சங்கப் பிரதிநிதிகளும், முக்கிய பிரமுகர்களும் உடன் இருந்தனர்.

ஓர்ந்துகண் ணோடாது இறைபுரிந்து யார்மாட்டும்
தேர்ந்துசெய் வஃதே முறை.
என்ற திருக்குறளின் இலக்கணத்திற்கு ஏற்ப அரசு யாரிடத்தும் நடுநிலைமை தவறாமல், யாரிடத்தும் இரக்கம் காட்டாமல், குற்றத்தின் கடுமையை ஆராய்ந்து, அதற்குத் தகுந்த தண்டனை விதிப்பதே முறையாகும்.

சாத்தான்குளத்தில் மனைவி, மூன்று மகள் ஒரு மகனோடு கனவுகளோடு வாழ்ந்து வந்த, திரு.P. ஜெயராஜ், அவரது மகன் J.பென்னிக்ஸ் ஆகிய இருவரையும் இழந்து வாடும் குடும்பத்தினருக்கு எப்படி ஆறுதல் சொல்வதென்று தெரியவில்லை. ஆனால்,அவர்களுக்கு இந்த மனநிலையில் உரிய ஆறுதல் இறப்பிற்கான நீதி. அந்த நீதி நேர்மை தவறாது கிடைக்க வேண்டும் என எதிர்பார்த்து இறந்தவர்களின் ஆன்மா இறைவன் திருவடி நிழலில் இளைப்பாற இறைவனை வேண்டுகிறேன்.